紅魔講“手”

紅魔講“手”

兵工廠昨日與八鯨友賽後，今日輪到紅魔鬼曼聯到橫濱抓銀，與當地勁旅水手拍跳，今仗比起之前兩班明星隊無疑較為難打，但整體人腳依然在對手之上，只要繼續發揮出上仗大勝“澳星”水準，紅魔洗“手”無問題。

橫濱水手目前在日職聯排前三位，屬於爭標實力分子之一，球隊近期狀態唔差，分別擊敗兩支聯賽勁敵大宮松鼠與浦和紅鑽，可以提升今仗士氣，能夠與歐洲頂級球會交手，必會加多兩錢肉緊，曼聯要贏得輕鬆未必咁易。

曼聯上仗以老帶新，由老將傑斯打頭陣，帶領拉菲爾、連加特及韋碧克等小將，效果相當唔錯，全場控制戰局，主因經過第一場失手後，球員明顯積極及上力得多。

此外，頭號射手雲佩斯上仗回歸即有“士哥”，紅魔戰力肯定加強，勝算始終較高。

橫濱水手係一支具經驗球隊，兩位老牌國腳中澤佑二與中村俊輔仍然寶刀未老，齋藤學及栗原勇藏係現役國家隊成員，仲有兩名高質巴西援將杜特拉與馬昆賀斯，前中後三線比較平均，亦有一定韌力與紅魔抗衡，預料勝負一球上落。

推介：曼聯2：1