東亞女：宿敵碰頭吼大和撫子半Ｗ_東方日報
玩球网 2025-07-13 00:00:00
| 今日女子東亞錦標賽上演「日韓大戰」，南韓女足主場硬撼日本女足。衞冕嘅日本女足上場大炒中華台北女足4比0，霸氣盡現，反觀南韓女足兩度落後下，驚濤駭浪逼和中國女足2比2，防線甚為不穩，加上雙方近5次對賽，日本女足有4次領先半場，半場客勝值得投信心一票。（港台電視32周日晚7時直播 ）文:Mic少 日本女足屬於「亞洲1姐」，兩年前曾打入女子世界盃8強，加上近兩屆東亞錦標賽都成功封后，喺亞洲確實超班。雖然「大和撫子」今次大軍名單以全本土聯賽球員為主，但實力亦唔嘢小，尤其係唔少邊緣國腳為爭奪國家隊席位，落場更盡力爭取表現，好似上場首次上陣嘅中場滝川結女，立即取得入球，協助「日女」上半場領先2球，最終輕取對手4蛋，今場遇上傳統宿敵南韓女足，當然要乘勝追擊，先發制人提升勝算。 女太極虎防守多甩漏 南韓女足近期成績低迷，各項賽事近5場只得2和3負，上仗面對中國女足，開賽15分鐘就失守，防線甚多甩漏，即使一度扳平，但換邊後又再次落後，要到補時先逼和2比2，面對實力更強嘅「日女」，後防不斷受壓下頂唔得幾耐。 事實上，「大和撫子」近年一直食住「女太極虎」，兩隊近5次交鋒，日本女足獲得4勝1和佳績，其中4次半場領先，最近一次對賽係上年10月熱身賽大勝4比0，可望再度速戰速決。 |