美軍難做大“哥”

美軍難做大“哥”

美洲金盃賽C組明早上演榜首之戰，奪標大熱美國迎戰黑馬哥斯達黎加，兩隊兩戰兩勝已經穩入八強，今仗只係爭頭位走條靚線。

美國在中北美洲都算橫行霸道，但一物治一物，對住哥斯達黎加似乎惡唔出樣，近六次對戰，美國只得一勝兩和三負，今仗更可能留力，勝算唔高，要讓波實在諗唔過。

哥斯達黎加整體戰力的確唔差，而且狀態保持相當平穩，近五場正式比賽取得四勝一和，明早一戰“哥國”對住美軍未驚過，初盤美國讓半球/一球，推介哥斯達黎加可保不敗。

由老將當路雲領軍的美國頭兩場盡顯東道主霸氣，分別大炒伯利茲與古巴，共攻入對手十球，其中效力聖荷西地震射手雲度路斯基個人獨取五球，有望爭取金靴奬，但明顯兩場對手只屬“二打六”分子，根本對美國毫無威脅，今仗對哥斯達黎加肯定受到一定壓力，在正常情況下，稍作留力踢八強亦不足為奇，和波以首名出線，美國無需去盡。

哥斯達黎加目前在世界盃外圍賽表現非常突出，力壓墨西哥僅次於美國排第二，證明實力絕不簡單，美國要贏波唔易。

推介：和波1:1