澳職：阿聯以逸待勞冇瑟拖_東方日報
玩球网 2025-10-27 00:00:00
| 今日下午澳職獨腳戲ＦＣ麥克阿瑟主場硬撼阿德萊德聯。「阿聯」首輪旗開得勝，回巢前鋒奇治葛雲即有助攻，相反麥克阿瑟首輪輸波，仲要兼顧埋亞洲賽攰到爆，平手盤必捧客軍。（無綫myTV SUPER周一下午4時直播）文:法達斯維 「阿聯」喺揭幕戰憑賴恩基圖及艾拉基治各省一粒，主場以2比1力克ＦＣ悉尼，打響頭炮。佢哋今季最重要收購，梗係簽番奇治葛雲，呢位33歲前鋒過往3度效力「阿聯」，並且貢獻唔少入波，估唔到今季再次回巢，首輪即交出助攻，證明仲有貨賣，拍住年輕箭頭盧卡祖雲奴域，攻力有保證。 麥克阿瑟多線作戰攰爆 另邊廂，麥克阿瑟喺首輪雖然全場撳住嚟攻，但作客仍以0比1輸畀以寡敵眾嘅布里斯班獅吼，令人失望，而且佢哋上周中先出戰完「亞冠盃2」造訪河內公安，落後下艱苦追和1比1，耗力唔少。連同各項賽事，麥克阿瑟近5場只得1勝1和3負，若果單計聯賽，跨季近4仗僅得1和3負未贏過，以逸待勞嘅阿聯絕對有機可乘，平手盤坐走望贏。 |