外圍賽：挪威火噴噴追半場大_東方日報
玩球网 2025-10-11 00:00:00
| 世盃外歐洲區I組賽事，榜首挪威主場迎戰以色列。挪威喺I組成績一枝獨秀，上輪以11比1大炒摩爾多瓦盡展霸氣，全力向世盃入場券衝刺，至於以色列上輪主場4比5負於意大利，入得又失得。雖然今場挪威贏面甚高，不過主W太熱唔想揀，考慮到該北歐球隊經常上半場駁火，1.5球半場大屬明智之選。（周日凌晨零時開賽）文:邪神 挪威走勢銳不可當，喺世盃外I組高踞榜首，5戰5勝合共入24球顯示驚人火力，近5仗主場賽事上半場全部領先，近4場主場3次開2球或以上，可見佢哋踢法非常搶韁。 以色列入得又失得 首席前鋒艾寧夏蘭特腳風極順，今屆外圍賽累積9個入球，各項賽事連續8場為挪威建功，合計14球3助攻，包括上場對摩爾多瓦個人獨取5球2助攻，成為近48年來首位在世盃外單場攻入5球嘅歐洲球員，今仗對以色列，隨時「魔人」一個人都夠開半場大。 反觀以色列實力明顯差一截，除咗上場輸畀意大利，首循環亦以2比4不敵挪威，同樣開大比數，可見呢班波十分勇武，明知唔夠砌都夠膽同對手鬥攻，所以捧半場大之餘，全場3.5球入球大不妨兼顧。 |