阿甲：迎戰利華達維亞獨立 競賽會穩陣波追半和_東方日報
玩球网 2025-10-06 00:00:00
| 聽朝阿甲免費直播場次，競賽會主場迎戰利華達維亞獨立。兩軍近況唔曳，不過競賽會攻力一般，必定防守行先，利華達維亞獨立例踢穩陣波，謀定而後動，初段隨時悶鬥悶，半場和更值得捧場。（HOY TV 76台周二早上7時58分直播）文:法達斯維 老牌球隊競賽會近期要聯賽、自由盃、阿盃三線作戰，不過表現仍然唔錯，各項賽事近6場獲4勝1和1負，輸波嗰場係阿盃8強不敵河床，而且喺自由盃淘汰同屬阿甲嘅沙士菲，進身4強。當然競賽會本身攻力麻麻，呢場合共入得6粒，因此佢哋非常注重防守，上述6場只失1球，明顯係防守大過天。 萊斯查受讓起「菲」 另邊廂，利華達維亞獨立同樣硬淨，各項賽事近6場獲2勝3和1負，但佢哋有前鋒拉美斯因傷倦勤，中堅李安納哥斯達上場聯賽對颶風隊做咗「紅牌阿姑」，今場要坐波監，一定要先鞏固防線。利華達維亞獨立一向先求唔輸，睇定先食，佢哋近6場有5次開半場和，預計造訪競賽會唔敢輕舉妄動，半場和不妨再追。 至於另一場早少少開波嘅阿甲，萊斯查主場硬撼沙士菲。雖然大家實力不相伯仲，但萊斯查已經連贏5場，信心爆晒棚，加上主場同樣出色，可食住個勢贏埋沙士菲，讓球盤萊斯查受讓平半，呢個下盤咪錯過。 |