聖日門讓波不“利”
今晚有場法甲戲碼唔差，榜首巴黎聖日門火拼上季聯賽冠軍蒙彼利埃，聖日門暫領先第二位里昂五分，為穩固“一哥”之位，必全力擊退對手，但下周中歐冠八強將要面臨大敵，迎戰地上最強巴塞羅那，今戰確有後顧之憂；蒙彼利埃亦非等閒之輩，聖日門難有勝算。
蒙彼利埃今季肯定衛冕失敗，唯有攞個彩爭踢下季歐洲賽，兩隊對賽一向水火不容，今仗惡戰難免，初盤巴黎聖日門硬讓一球，推介蒙彼利埃可逃出鬼“門”關。
兩隊首循環上演“火爆”之戰，全場出現兩紅八黃，戰況相當激烈，當時主場的蒙彼利埃佔盡優勢，可惜只能迫和對手，今仗作客確實輸唔晒。貴為上季冠軍，蒙彼利埃實力不容忽視，只係表現欠缺穩定性，但強隊對陣發揮必然有所提升，近兩次作客聖日門未輸過，蒙彼利埃一定有計。
聖日門近三場聯賽只得勝和負各一，整體狀態稍有回落，慕達、文尼斯、M盧卡斯及華拉迪等主力受傷確實影響球隊戰力，對住踢法硬橋硬馬的蒙彼利埃，聖日門必陷苦戰。
推介：和波1：1