AC受讓未驚過
歐冠盃十六強首回合落後兩球，巴塞羅那要翻身入八強，難度相當大，皆因對手AC米蘭絕非等閒之輩，無論人腳級數、整體戰力及歐戰經驗，唔會輸蝕比巴塞好多；況且手執兩球在手，你急佢唔急；只要戰術上精心部署，在巴塞進攻模式上作出破解，巴塞要贏兩球或以上談何容易。初盤巴塞羅那讓球半，想贏盤，捧硬AC米蘭。
無可否認，巴塞踢法比較悅目，地面組織與滲透力相當強，加上球員個人質素，被譽為“地上最強”無可厚非。三年前如此，三年後今日，巴塞打法似乎變化不大，路數方面，唔多唔少被對手破解，球隊目前強勢只靠球員個人能力，正如美斯單打獨鬥。另外，臨場部署極為重要，巴塞每場比賽只會諗點樣擊倒對手，但冇考慮點去防範對手突襲，首回合輸畀AC米蘭就係最佳例子。有好多球評家認為AC米蘭贏巴塞屬意外，本人絕不認同，睇返場上形勢，AC米蘭贏在針對性戰略，更識破巴塞防守弱點，呢方面AC米蘭較為優勝。
推介：巴塞羅那勝2:1