日聯盃:東京開火同川崎鍊過
玩球网 2020-10-07 10:09:21
| 東京開火同川崎鍊過周三日聯盃4強大戰，聯賽1哥川崎前鋒主場迎戰ＦＣ東京。川崎氣勢如虹，用進攻足球橫掃日本球壇，全力向住聯賽同日聯盃「雙冠王」目標進發，為入決賽今場將會繼續狂攻，預計會有大手交易，中位數3.5球入球大值得支持。（周三晚6時開賽）川崎上場榜首大戰3比1擊敗櫻花，喺日職領放，大有機會成為聯賽冠軍，而且冇亞冠盃負擔下，佢哋有極大空間去爭埋日聯盃錦標。川崎今季以超強火力見稱，日職場均入波接近3球，陣中球員個個擅射，除李安度達美奧同小林悠兩大射手外，三笘薰、家長昭博及田中碧等都有入球能力，令對手防不勝防。川崎今屆日聯盃一直恃強大進攻輾壓對手，由分組賽到8強戰嘅4場賽事，4仗總入球都達4球或以上，包括8強戰6比0狂勝神戶勝利船。對手ＦＣ東京今屆分組賽輪空直入8強，上圈亦以3比0大破名古屋鯨魚，面對川崎前鋒強大火力，主守無疑係坐以待斃，一場過淘汰賽預計將會放手駁火，開大盤機會極高。水手讓唔起柏雷素爾另一場同時間開波嘅4強賽事，橫濱水手激鬥柏雷素爾。雖然橫濱水手近期喺日職表現唔錯，但踢盃賽發揮往往打折扣，上圈對弱隊北海道札幌岡薩多都係僅靠互射12碼晉級。柏雷素爾近10場作客取得7勝2和1負，離開地頭一樣交出水準，今次有得受讓，必捧柏雷素爾讓球客勝。 |