意甲:射手晒冷！拉素阿特蘭大癲鳳鬥狂龍
玩球网 2020-09-30 14:30:30
| 射手晒冷！拉素阿特蘭大癲鳳鬥狂龍今夜意甲尾場大戰，拉素主場火併阿特蘭大。拉素坐擁上季歐洲金靴得主恩莫比尼，攻力有保證，不過阿特蘭大上屆神奇殺入歐聯8強，全民皆攻踢法充滿娛樂性，加上王牌球星伊利錫復出，勢必火力全開，3.5球嘅大盤有買趁早。（myTVGold301、Now638、有線654及614台周四凌晨2時45分直播）伊利錫回歸火力再提升上季意甲殿軍拉素陣容並無大變動，新加盟嘅科索沃射手梅利基仍受傷患困擾，惟有繼續依賴恩莫比尼數胡，呢位曾3奪意甲神射手、上季更擸埋歐洲金靴嘅意大利國腳，喺首輪擊敗卡利亞里亦順利開齋，開個靚頭。而且中場有路爾斯阿拔圖、米連高域沙域等支援，恩莫比尼喺主場大把數胡機會。阿特蘭大連續2季奪得意甲季軍，上屆歐聯更殺入8強，對於呢支冇乜錢買人嘅草根球隊嚟講，確係喜出望外。阿特蘭大上季聯賽攻入98球，全因隊中攻擊點眾多，路爾斯梅利爾、杜雲沙柏達及柏沙歷等都有強大入球能力，令對手防不勝防。阿特蘭大首輪亦貫徹主攻本色，以4比2大破拖連奴，雖然今夏有後衞卡斯泰尼離隊，但簽入阿根廷球星基斯甸羅美路已經融入，今場可以候命，可望加強球隊防守力。另一喜訊係上季復賽後因私人問題缺陣嘅伊利錫，終於重返大軍正式回歸，多埋呢張進攻王牌，火力必進一步提升。睇番兩軍近4次交鋒，有3次開4球或以上，今仗又係癲鳳鬥狂龍格局，3.5球嘅大盤咪走雞。 |