西甲:馬體會打爆侯爾斯卡
玩球网 2020-09-30 14:23:11
| 馬體會打爆侯爾斯卡哨牙蘇擔正火力提升西甲周四凌晨焦點賽事，侯爾斯卡主場對馬德里體育會。侯爾斯卡降班一季後即重返西甲，不過未有重大收購下戰力稍遜；至於馬體會上周以超低價簽入巴塞「入球機器」蘇亞雷斯，上場後備上陣即入2球，協助馬體會大炒CF格蘭納達6比1，「阿蘇」今仗有機會正選亮相，肯定更加搏命，況且馬體會上季6次聯賽對升班球隊錄得5勝1和，當中4次贏2球或以上，今場必捧客勝。（Now632周四凌晨1時直播）侯爾斯卡於2018/19球季升上西甲，該季以尾2成績降班，上季喺西乙混戰中以冠軍身份再次升班，日本前鋒岡崎慎司係升班功臣之一。球隊資源有限，只能以借用形式增兵，首周賽事為球隊攻入升班後首個入球嘅右閘柏保路馬菲奧，就係從史特加借入，以平平無奇嘅陣容踢西甲，難免落入下風。事實上，侯爾斯卡雖然開咧後3戰2和1負，包括賽和兩大實力分子華倫西亞及維拉利爾，不過主場就以0比2不敵另一支升班球隊卡迪斯，可見侯爾斯卡主場出擊發揮進退失據，反而作客一心求守效果更佳。防線穩陣無後顧搶攻馬體會一直係西甲第3勢力，主帥施蒙尼領軍下，鋼鐵防線令佢哋長期保持低失球數字，進攻則取決於前線球員個人能力，多年以來踢出一套搶分方程式。馬體會上季喺基沙文離隊後簽入祖奧菲歷斯，配合迪亞高哥斯達，增強戰鬥力，今季更把握巴塞棄用蘇亞雷斯嘅千載難逢機會，引入呢位烏拉圭射手，以「哨牙蘇」每季交出「20+」入球數字，馬體會今季鋒力肯定「升呢」，上場蘇亞雷斯最後19分鐘後備落場，即梅開二度兼交出1次助攻，成為馬體會大炒CF格蘭納達嘅贏波功臣，鬥心及狀態十足，如果正選上陣更加有鑊氣，加上馬體會專恰升班球隊，一於捧客勝。 |