加泰“格”殺勿論

加泰“格”殺勿論

今晚只得一場西甲上演，排第十位的加泰主場迎戰格蘭納達，前者未受到護級太大壓力，更有機會爭下季歐洲賽資格，當然希望力爭上游爬上較前位置，今仗對手只屬二三流，爭勝心自然大增，有望全取三分。

排尾四的格蘭納達在降班邊緣掙扎，每場波都要極力搶分，奈何整體實力有限，球員質素一般，要護級實在相當艱苦；作客平均人腳較佳的加泰，能夠摸和搶得一分，已算功成身退。初盤加泰讓半球，推介主隊贏波冇“蘭”度。

加泰近況雖麻麻，但上仗西班牙盃對馬體會又踢得唔錯，與對手鬥攻鬥搶，發揮有紋有路，有一定戰鬥力，且主場表現相當穩定，有殺敗皇馬與馬拉加兩支強隊佳作，對住次一班的格蘭納達，應可再勝一仗。格蘭納達毫無贏波本錢，前線火力差到不得了，十八場聯賽只得十四個入球，與包尾的奧沙辛拿一樣係西甲攻擊力最差球隊，上場對華倫西亞全場只得兩次正式射門，由此可見欠缺組織力，對住“硬正派”的加泰，輸硬！

推介：加泰勝2：0