史篤城主場硬淨
車路士上場聯賽爆大冷，主場輸畀包尾的昆士柏流浪，與榜首曼聯拉開十四分，爭標機會大打折扣，再冇失分餘地。今晚對住主場極惡的史篤城，車仔要搶足三分，實在唔易。
英超踢了半季有多，講主場最威水非史篤城莫屬，係唯一的不敗之師，贏盤率高達七成以上，係英超球隊中贏盤最多的一隊。雖然近十次對車仔輸八場和兩場，往績完全輸蝕，但近兩次主場力保不敗，今晚再“撞車”，完全未驚過。初盤車路士讓半球，不妨博史篤城坐和望贏。
兩隊首循環碰頭，史篤城一球落敗，全場與車仔力拼到底，可見史篤城戰鬥力並非倒轉講“成篤屎”，尤其主場出擊，不但未輸過，兼攻入對手十四球失七球，進攻唔算突出，但防守相當穩健。以車仔近幾場飄忽狀態，史篤城贏波絕不出奇。車仔以強陣出戰聯賽盃，結果慘敗在史雲斯腳下，攻勢多惜不切實際，可能比賽過於頻密，令球員發揮有起伏。今仗亦係車仔十日內第四場，以逸待勞的史篤城更着數。
推介：史篤城勝1：0