日聯:東京搶W做主角
玩球网 2020-08-26 11:25:52
| 東京搶W做主角2020/08/26文:麥馬拿仁今晚日職FC東京主場對鹿島鹿角。鹿角今季大跌Watt，尤其客場例必腳軟，加上近年畀FC東京食住，主勝捧得過。（周三晚6時開賽）鹿角今季由巴西教頭薩高接手後，頭4輪聯賽全敗，儘管近期略見起色，不過薩高排陣依然亂咁嚟，例如派4號門將山田大樹把關，防線起用小將關川郁萬，兵行險着難免要交學費，今季聯賽只得1場冇失波，而且客場戰績甚差，近6場聯賽作客僅得1勝5負，當中4場食白果，一旦失守幾乎無還擊之力。鹿角作客靠唔住鹿角喺剛過去嘅周日主場鬥大阪飛腳，早段即告失守，雖然全場壓上狂攻，但空有攻勢把握力欠奉，若非飛腳前鋒宇佐美貴史錯失射入「燕梳球」機會，鹿角一早被拋離，到補時佢哋憑中堅犬飼智也追平1比1，雖然逃過輸波厄運，但防線漏洞表露無遺。4哥FC東京戰績略遜上季，但中場韋法臣李安度近5場聯賽省3粒，配合近2仗均有士哥嘅前鋒迪亞高奧利華拉，鋒力有保證。睇番對賽往績，東京亦係佔優一方，兩軍近5次聯賽碰頭，東京獲3勝1和1負，今場贏面壓一，主勝有計。 |