澳職:悉尼光輝追半場和
玩球网 2020-08-26 11:25:27
| 悉尼光輝追半場和4強對戰穩陣為先今晚澳職季後賽4強尾場，上演上屆季後賽決賽翻版戰，由FC悉尼喺中立場硬撼珀斯光輝。悉尼老早鎖定季後賽資格，近況明顯下滑「留力留出禍」，能否及時上力真係好難講；光輝每逢遇死敵都穩陣行先，近3次碰頭全開半場和，踏入淘汰賽階段定必更小心翼翼，半場和值得再追。（myTVGold302、Now639、有線655及615台周三晚6時10分直播）上季總冠軍FC悉尼今季繼續強勢，常規賽由頭帶到落尾，早早取得季後賽入場券，並且奪得常規賽冠軍，可以直入季後賽4強。因此悉尼自復賽首場擊敗威靈頓鳳凰後，喺最後5輪常規賽僅得2和3負，原本排射手榜榜首嘅方祖，呢5仗僅入2球，更被墨爾本城前鋒占美麥卡倫反壓，雖然有為季後賽留力之嫌，但未免留得太過分，想及時操起狀態，亦非易事。「翻版決賽」睇定報仇珀斯光輝喺常規賽臨尾被西部聯超越，僅以第6名取得季後賽資格，不過未有影響信心，並喺季後賽淘汰圈以1比0擊敗常規賽3哥威靈頓鳳凰，殺入4強。光輝喺上屆季後賽決賽同悉尼激戰120分鐘，最終互射12碼飲恨，深明自己實力唔及悉尼，為報番上屆一箭之仇，必定先做好防守，謀定而後動。FC悉尼近3次同光輝交手，獲得1勝2和，全部開出半場和，優勢並唔明顯，既然FC悉尼如今狀態麻麻，加上淘汰賽，雙方難免踢得更步步為營，預計光輝應該至少頂到半場，半場和捧得過。 |