澳職:墨城上盤咪走寶
玩球网 2020-08-26 11:24:54
| 墨城上盤咪走寶西部聯老將未回氣澳職季後賽另一場4強，2哥墨爾本城早場鬥西部聯。常規賽排第5嘅西部聯，要多踢一場淘汰圈賽事影響體力，最大問題係西部聯「老人鋒線」貝利沙同迪亞文迪，年齡相加超過70歲，墨爾本城盡收以逸待勞優勢，可望輕鬆贏波，小讓平半要上盤。（myTVGold302、Now639、有線655及615台周三下午3時直播）占美麥卡倫「首入」要吼實西部聯喺淘汰圈賽事，憑意大利老將迪亞文迪一箭定江山，以1比0小勝布里斯班獅吼，取得晉級資格。今場對墨爾本城嘅4強戰，已經係西部聯8日內第3場波，雖然35歲嘅貝利沙同37歲嘅迪亞文迪前仗先任後備，但上場差唔多踢到足，需時回氣。如無意外，西部聯4強戰仍然要靠呢兩名沙場老將孭飛，體力肯定有所不及；反觀墨爾本城上周三踢最後1輪常規賽就抖足1個星期，對手正正就係西部聯，當日墨爾本城以3比1輕取呢支今季聯賽新軍，連同該仗在內，墨城今季常規賽3次鬥西部聯全部贏晒，擺明格食格。墨爾本城前鋒占美麥卡倫更係西部聯剋星，呢3次對賽佢每場梅開二度，合共射入6球，西部聯似乎未有方法成功守住占美麥卡倫。呢名澳職常規賽神射手今季射入22球，今場遇着私房菜又可以大開殺戒，墨爾本城上盤要捧。鍾意玩首名入球同特別項目嘅朋友，可以留意占美麥卡倫首球，玩埋佢先發事件「入球」，博吓一炮三響。 |