英超轉會車仔最豪

英超轉會車仔最豪

昨日講完西甲兩大班霸轉會情況，今日同大家講吓英超。

至目前為止，車路士應該最大手筆，先後有兩大星級戰將費比加斯與迪亞高哥斯達加盟，兩位仁兄已經用咗“車仔”五千九百萬英鎊，再以二千萬鎊簽入曾經入選巴西國家隊嘅菲臘比，又回收門將高圖爾斯，馬體會三大奪冠功臣齊齊轉戰英超，就算走咗大衛雷斯，巴亞及A高爾，“車仔”今季實力更加強勁。

曼聯上季徹底失敗，今季邀得雲戈爾做“魔頭”，誓要重振雄風。不過，暫時在轉會市場未有太大動作，只係從修咸頓買入梳爾，及畢爾包中場靴里拉。至於出價六千三百萬歐元收購占士洛迪古斯，洛賓跟隨雲戈爾入“魔”，卡雲尼與維達爾來投，似乎都係“吹水”居多。

至於衛冕英超冠軍嘅曼城雖然已經加入沙格拿、列謝斯及守門員卡巴尼路幾位球員，但以本身強盛人腳，相信基本陣容唔會有太大改變。

紅軍利物浦上季奪標只差一線，今季再度出擊，不斷招兵買馬，至今已簽入林拔、簡恩、拉蘭拿及拉沙馬高域四名戰將，更積極向科特迪瓦前鋒邦尼“埋手”。但講真一句，走咗一個“牙擦蘇”，應該得不償失。