明尼路下盤好「魯」定

明尼路下盤好「魯」定 

南超盃聽朝上演首回合比賽，自由盃冠軍明尼路會先作客拉魯斯。後者雖然有主場之利，但近況講真麻麻哋，唔經唔覺已經6場波冇贏過，並喺今屆自由盃俾玻利瓦爾淘汰出局，當中喺主場都贏唔到對手攞到領先優勢更令人非常失望，咁嘅勢頭就算有主場之利都唔值得讓平、半，捧場前先要三思。（周三10，香港時間周四9:00am開賽）
至於明尼路話晒係上屆自由盃冠軍，今次爭南超盃相信點都唔會想失威；再講佢哋今屆喺聯賽愈踢愈好，近期排名直線上升，加上球隊早排去咗中國掘金兼磨起狀態，當中亦連贏咗江蘇同廣東，加埋仲入咗成9球咁多，攻力唔需要懷疑，而今晚陣容上主力如朗拿甸奴等亦可全數候命，以強陣出訪阿根廷下絕對唔可以睇少，讓球盤受讓平手、半球，捧下盤「魯」定收錢。