波杜基林特「比」心機

波杜基林特「比」心機

挪威波今晚戰火重燃，波杜基林特同史達比克兩支挪超球隊會喺挪威盃16強相遇。雖然兩邊因為世界盃關係，有接近半個月時間冇比賽，但波杜基林特歇暑前演出遠比史達比克好，難怪初盤波杜基林特讓到半一咁辣，1.73倍上盤「克」敵制勝。（周三21，香港時間周四1:00am開賽）
睇番賽績，波杜基林特喺聯賽雖然出閘脫腳，但踏入5月左右成績即大有好轉，仲一度造出6連勝佳績；雖然到咗近兩戰佢哋都贏唔到，但一場係作客，一場係主場迫和「一哥」莫迪，演出其實唔差，再加埋主力如柏柏尼戴耶、穆罕默尼戴爾以及安達斯卡臣等前線主力腳風都極順兼得到充足休息，配合埋主場之利要讓波合理。
至於史達比克聯賽成績仲差過波杜基林特，最慘係球隊歇暑前表現好差，聯賽連輸俾利尼史特朗、史達同維京，而喺上圈挪威盃面對低組別格魯特90分鐘內更解決唔到對手，似乎對盃賽興趣唔大，一於信晒主隊。