世盃“戲子”多？

世盃“戲子”多？

最近都聽到好多黑哨嫌疑，唔知係咪真，不過我聽到就覺得好失望。首先係尼日利亞對波斯尼亞場波，球證誤判迪斯高越位，之後對手艾文歷基犯規後助攻又照計入球，仲有人影到比賽完咗之後球證同球員一齊慶祝，感覺上都真係幾黑哨。波國嘅球迷對球證好嬲，所以在網上抗議，要求取消其球證資格，同埋將場比賽結果改為打和，不過當然冇可能啦。而有球迷向球證發出死亡恐嚇，情況令人憂心。

仲有另一場就係巴西對喀麥隆，為求公平，同組賽事會在同時間踢。巴西嘅賽事同墨西哥對克羅地亞同時進行，當巴西以三比一領先時，墨西哥亦以三球拋離咗克羅地亞，即係話同一時間一齊入三粒，後者隨時搶走首名出線資格。不過就喺呢個時候，喀麥隆嘅麥比亞突然犯咗低級錯誤，直接令巴西入波，結果以首名出線避開荷蘭。之前國際足聯已警告過場波，點知仍有外界嫌疑。我覺得足球應該係正氣嘅事，但好多時都出現假波時，英超、西甲、港甲，然後連世界盃都有嫌疑，真係好失望。雖然無話一定係假波，不過令人有咁多嫌疑都唔好啦。