E組套餐組合
先講厄瓜多爾對法國,法國基本上出線在望,除非真係大敗一場,仲要輸成五、六球。以法國嘅實力,呢個可能性真係微乎其微;不過,唔排除球隊今仗會輕裝上陣,全面留力搏殺十六強。 厄瓜多爾搏殺程度肯定高於法國,就算爆冷唔到,都要守住不敗,博瑞士贏唔到洪都拉斯。因賽制列明兩隊同分先計得失球差,輸過畀瑞士嘅厄瓜多爾依然着數,既然法國會放軟手腳,受讓半球嘅厄瓜多爾的確有得諗。 另一場由洪都拉斯對瑞士,洪都拉斯在E組無疑係較弱嘅一隊,出線應該唔使諗,祇望踢場爭氣波不至於三連敗收場。 瑞士已經冇得計數,最保險就要贏洪都拉斯,祇要利用身形上嘅優勢,高空狂轟洪都拉斯,料必有斬獲。初盤瑞士讓一球/球半,捧瑞士“洪”運當頭。 推介:厄瓜多爾1:1法國;瑞士2:0洪都拉斯。 |