葡萄牙危危乎

葡萄牙危危乎

葡萄牙在分組賽打和美國，補時追返一球成二比二，叫做保持出線希望。不過踢咗兩場都只得一分，出線形勢嚴峻，如果下場美國同德國和波，葡萄牙就要出局。雖然美德嘅教練都係好朋友，不過一早澄清唔會踢默契波，會全力以赴，我唯有祝C朗出到線啦。仲有不得不提係來自美國嘅鍾斯入咗球世界波，有力度有角度，我無限Look呢球波，真係射得幾靚。

設飲水時間

場波有件事好特別，就係有飲水時間。球證在卅九分鐘同七十六分鐘，都分別吹停有飲水時間，容許雙方球員飲水三分鐘，當時攝氏卅二度，濕度百分之八十八。上半場球證趁美國碧卡文受傷吹停比賽，下半場又吹停多三分鐘，即係全場飲水有成六分鐘！唔知係咪巴西嘅天氣真係比較難適應，定係球員比平時搏得更盡呢，見到一直以來啲球員都好似踢得好辛苦，英格蘭之前又抽筋又無氣就係最好例子。所以球證吹一吹停都啱口架，因為巴西天氣真係未必個個適應到。

亞洲隊失望

韓國輸波後，今屆亞洲四個代表的表現都令人失望，兩輪賽事都沒有一隊贏波，係亞洲有四隊出席決賽周以來表現最差一次。日本現時有一分，將會對住哥倫比亞，此戰關乎出線命運，加油啊日本