克羅地亞征“西”

克羅地亞征“西”

今晚開始進入分組賽最後一輪比賽，頭場凌晨十二點開波，先講西班牙對澳洲，由於兩隊提早出局，呢場只屬例行公事，連現場門票都滯銷，咁無謂多講。

同步上演有荷蘭鬥智利，雙方為頭名而戰，贏波一隊好大機會避開主辦國巴西，相信兩隊絕不放軟手腳，初盤平手，既然唔使讓波，不妨睇好實力較佳嘅荷蘭。

尾場踢四點，巴西對住已出局嘅喀麥隆，巴西認真着數，真係可以揀對荷蘭抑或智利，睇定嚟食隨時“做嘢”。冇錯，巴西贏波機會率相當高，不過初盤硬讓兩球半，不如搏踢返場爭氣波嘅喀麥隆不致大敗。

克羅地亞對墨西哥成為最焦點一場，由於克羅地亞要非勝不可，誓必全力爭勝，上仗打喀麥隆不但顯示出球隊嘅組織威力，文迪蘇傑、奧歷、摩特歷及拿傑迪等個人嘅突破力與技術都相當全面，絕對有力挑戰墨西哥。

墨西哥上場力拼巴西，“門神”奧祖亞一鳴驚人，左飛右撲，力保大門不失，否則可能大敗一場，但巴西能夠有多次直接攻門，證明墨西哥防線有唔少漏洞，初盤克羅地亞讓平手/半球，搏“格仔兵”可小勝。推介：克羅地亞1：0