曼聯佈迷“雲”陣

史雲斯今季由前丹麥名將米高勞特立領軍，目前排聯賽第十位，以陣中人腳嚟講，戰績總算不過不失，惟不足之處係球隊表現實在太過飄忽，主場和過車路士，作客又贏過阿仙奴，可惜對住同級對手又經常“無厘頭”地失分，近兩場聯賽亦連敗，狀態認真麻麻，今晚對住“一哥”曼聯，能守和搶得一分已算有交代。

聯賽五連勝，曼聯仍以六分之差壓倒曼城排榜首，但六分話多唔多話少唔少，為避免重蹈覆轍上季被曼城後來居上，今仗作客必會全力爭勝，初盤曼聯讓半球/一球，睇好紅魔鬼可踩“雲”。

在英超往績中，兩隊對賽唔多，祇係上季兩度碰頭，史雲斯兩戰兩敗，唔熟路兼“米高”今季首次教英超，對曼聯如何部署肯定唔着數，而且計人腳對住“粒粒星”的曼聯，始終平均質素明顯輸蝕，祇靠主場之利及球員拼勁，希望可威脅曼聯。

曼聯今季勝在鋒力強勁，雲佩斯、朗尼及靴南迪斯係入球能力極強的球員，三人狀態亦保持得相當穩定，係贏波最大本錢，以史雲斯進攻與防守力度，曼聯應可穩操勝券。

推介：曼聯2：1