法國“士”氣勁
昨晨西班牙又輸一場,可以提早訂機票返老家,“紅牛”分組賽出局確係一個意外,至於輸波原因當然有好多因素,其中只識得攻唔識得守,就係最大致命傷,可能呢幾年“紅牛”強勢實在太盛,所以對住任何球隊都係壓住對手嚟攻,因而忽略防守重要性,遇到對手快速反擊,似乎顯得無計可施,招架乏力。所以話世界上任何一支頂級勁旅,都不是十全十美,加上現今足球無論戰術與部署千變萬化。點都好,出局既成事實,希望最後一場對住“袋鼠兵”踢返場好波。 明晨E組有場榜首戰,由瑞士對法國,雙方首戰都能擊敗對手,瑞士反勝厄瓜多爾的確贏得非常有運,形勢上佔唔到任何着數,始終球員整體質素仍未到歐洲一線球隊位置。 畀個小貼士大家,瑞士主帥希斯菲特一向計數甚精,唔排除今戰會稍作留力,搏最後一場戰實力較弱嘅洪都拉斯。法國實力無疑在瑞士之上,加上首戰大破對手,士氣十足,初盤法國讓半球 / 一球,捧“高盧雄雞”至少可執半個盤冇走雞。 推介:法國2:0 |