巴西讓得多捧墨西哥

巴西讓得多捧墨西哥

唔經唔覺決賽周分組賽已踢完第一輪，戰果都算正路，而讓波迷有驚喜，應該係哥斯達黎加燉“圭”，風車國劏“牛”，比較令人意外。但世界盃又點會冇話題，由揭幕巴西對克羅地亞開始已議論紛紛，譬如話巴西贏唔到的話，全國隨時再暴動；日籍球證“西村”兄唔吹過十二碼，或者上咗“西天”；尼馬個十二碼唔入，我諗即刻畀人用普通話叫“你媽”。

前阿根廷射手基斯普講得仲誇張，佢話“如果阿根廷在決賽擊敗巴西，捧完盃後要即時坐直升機離開返祖國，否則……”總之講到巴西今屆世界盃非捧不可。

咁樣講，森巴兵團明晨對墨西哥應該冇得輸，不過講真一句，巴西雖然首戰贏克羅地亞三比一，但整體發揮只屬一般，根本踢唔出任何強勢，真係贏在天時地利及人和，今晚場波初盤再要硬讓對手球半，要贏兩球先有利，寧博墨西哥。

墨西哥上仗一球小勝喀麥隆，球隊有唔錯嘅組織與默契，個人技術質素亦唔差，古亞達度、沙斯度、杜斯山度士及柏拉達等都係有料之人，唔係兩球錯判詐糊，墨西哥應該大勝一場，今戰對巴西，未必輸得晒。

推介：巴西2:1