兵工廠要搵“丁”
踼咗十六場聯賽，雷丁祇得九分，降班危機水深火熱，場場波都要拼命搶分，奈何人腳實力所限，唯有見步行步。今晚英超獨腳戲主場挑戰阿仙奴，祇望搶得一分得一分。
兵工廠在聯賽盃以強陣出擊，竟被乙組仔淘汰出局，球隊備受壓力，雲格的固執戰術更受到球員及球迷彈劾，今晚一戰實在不容再失，必要一場勝仗重整球隊士氣。初盤阿仙奴讓半球／一球，以雙方實力相比，祇要兵工廠一班“槍手”踢出應有水準及爭勝決心，贏波應不成問題。
兩隊早前在聯賽盃碰頭，雷丁曾領先由副選上陣的阿仙奴四球，可惜脆弱的防線再度錯漏百出，被對手連追四球兼加時被踢出局，雷丁後防的確真係弱不禁風，亦係英超失球最多的一隊，目前更受傷兵困擾，包括普格恩耶克、基比及摩里遜等主力，球隊要走出困境確實不易。
八年無冠，阿仙奴連聯賽盃仔亦派出最強人腳出戰，但又係飲恨出局，唯有專注聯賽繼續努力搶分爭上前四位置，今仗有基奧特復出，可加強前線攻擊力，贏波本錢亦大增。
推介：阿仙奴2：0