法國不勝無“圭

法國不勝無“圭”

今日原本想推介德國對喀麥隆場熱身賽畀大家，點知非洲雄獅班球員因與當地足協就獎金拗數問題，隨時玩罷踢，今場友賽踢唔踢得成都未知，唯有介紹另一場法國對巴拉圭。

法國上場未出齊人腳都打到挪威一仆一碌，大勝四球，顯示出球隊強大攻力，今仗輪到多名主力上陣，睇怕巴拉圭無運行。巴拉圭上仗殺敗無心戀戰嘅喀麥隆，近五戰終於取得勝仗，但今戰對住實力更加強的法國，要勝完再勝實在相當困難，只望輸少當贏，初盤法國讓一球／球半，一於照捧“高盧雄雞”贏波贏盤。

法國對挪威一戰雖有賓森馬、列比利及華拿尼等主力休戰，但多名球星發揮非常搶鏡，阿仙奴射手基奧特梅開二度，狀態超弗，更值得留意矮腳虎華貝拿，呢位馬賽中場表現突出，鋪橋搭路極有巨星風範，今仗更有多名殺手歸位，應可再大勝一場。

巴拉圭在南美洲區外圍賽表現令人失望，九隊中排包尾，球隊正處於換血時期，只由老將辛達告魯斯領軍，其餘都係欠缺大賽經驗新丁，平均質素只屬一般，要與法國相比至少差一班。

推介：法國3:0