英格蘭48年前歷史重演？

英格蘭48年前歷史重演？

皇馬第十次捧走歐冠盃，令英格蘭在今屆巴西世界盃迎來吉兆，話唔定令英格蘭有機會重溫四十八年前的奪標美夢。

皇馬在里斯本大逆轉捧盃，原來都關英格蘭事，因為唔少巧合事都同時發生了，情況與英格蘭在一九六六年贏得唯一一次世界盃非常相似。四十八年前，先有奧地利人在歐洲歌唱大賽中奪得冠軍，當年的西甲冠軍是馬體會，畢迪斯降班，皇馬則贏得歐冠盃，拉科魯尼亞則由乙組升上甲組，英格蘭則在世界盃捧盃。

四十八年後，又有來自奧地利的烏斯特在歐洲歌唱大賽奪冠，今年又是畢迪斯降班，馬體會相隔十八年再贏西甲，皇馬贏得第十個歐冠，還有拉科魯尼亞目前在西乙領先，極可能升班重返甲組。莫非今年又輪到英格蘭捧世界盃？