決賽一場過,勝負取決於多種因素,最重要係球員臨場表現。 論個人技術質素,皇馬無疑較為優勝,C朗、巴利、摩特歷及迪馬利亞等,都係超級好波之人,發揮好壞將直接影響成敗。但講到整體對抗、拼搏、鬥志及場上越戰越勇心態,馬體會肯定較強。況且爭勝壓力亦在皇馬一方,就算一衆球星身經百戰,你話一啲壓力都冇就假。初盤皇家馬德里讓半球,受讓嘅馬德里體育會值得考慮。齋睇聯賽激鬥巴塞一戰,球員上下一心,衆志成城嘅鬥心,已經值得捧場,至少法定時間九十分鐘內必令皇馬陷於苦戰。 雙方都有重心球員缺陣,馬體會有迪亞高哥斯達與杜蘭有傷,上陣機會唔大,影響的確唔少。皇馬同樣有C朗、賓森馬及柏比踢唔踢得都話未知,艾朗素肯定停賽。雙方戰力各有所損,拼勁可能成為勝負關鍵。 推介:和波1:1 |