里昂新敗難奪“堡”

    里昂新敗難奪“堡”

    法甲里昂力爭上游，里昂作客迎戰史特拉斯堡，里昂人腳牌面佔優，不過主隊近況不俗，里昂新敗兼面對以逸代勞的史特拉斯堡，里昂客戰搶分唔容易。

    里昂歐冠作客聖彼得堡輸波，近五戰吞第二敗，狀態士氣一般。論人腳里昂雖有優勢，但主力迪比、歐亞兩人仍上陣成疑，前線要靠M迪比利、哥尼特等爭取入球，M迪比利雖近況不俗，但哥尼特今季表現平平，防線門將安東尼盧比斯今季亦偶有犯錯，為里昂爭勝添隱憂。加上里昂客戰麻麻，近五戰僅贏過尾二的圖盧茲，史特拉斯堡主場不差，里昂爭勝有暗湧。

    里昂後衛杜保斯激勵隊友向前：“周中歐冠輸波當然令人很失望，不過我們暫時亦要將歐冠放下。上一場踢得很差，我們必須在今重拾狀態，球隊需要重新振作。”

    史特拉斯堡今季表現不差，現時少里昂一分排十二位，距離第四的波爾多亦四分之差，今戰一勝有望升上前十。史特拉斯堡人腳不及里昂，但陣中的湯馬臣、阿佐古今季有貨交，主隊出戰四連勝，今戰以逸代勞有機再搶分。