華拉度列搏殺“格”

華拉度列搏殺“格”

昨晚睇完場西甲爭霸戰，打埋今晚西甲就正式煞科。同樣都有場護級生死戰，華拉度列火併格蘭納達，兩隊只能活一隊。華拉度列形勢相當凶險，和波都要降落乙組，今仗必須誓死一拼。

至於格蘭納達要逃出生天，就要保住不敗，首循環曾經大炒對手四球，心理上明顯佔優。但踢主場與作客完全是兩回事，除非整體人腳質素及實力遠高於對手，否則一場過格鬥，實在難料生死。何況上季作客亦敗仗而回，今晚守唔守得住都成問題。初盤華拉度列讓平手／半球，在生死存亡關頭，一班“列”士變身為神風敢死隊，必定狂轟猛炸對手。一於捧華拉度列完成“格”殺令。

華拉度列嘅實力的確屬於有限公司，但唔好睇少“華仔”嘅主場威力，全季只輸過三場，已連續十一場不敗，近期更殺敗巴塞羅那及迫和皇家馬德里，主場作戰簡直士氣十足。只讓平手／半球，大吉利市最多蝕半個盤。

格蘭納達近四戰一和三負，狀態相當低沉，近十場作客兩和八負未嘗一勝，更失廿五球，平均每場失兩球以上。一條脆弱防線足以致命。推介：華拉度列2:1