韋根難破“浪”
新特蘭同樣擊退對手,宣佈護級成功。諾域冶、富咸及卡迪夫城成為不幸者,下季就要轉戰英冠,今季英超爭逐應該都算告一段落。 講開英冠,明晨繼續有場升班附加賽首回合,由韋根對昆士柏流浪,呢兩班波真係難兄難弟,上季齊齊由英超降落英冠。今時今日兩兄弟又要互撼爭一個升班機會,唔係你死就係我亡,兩回合肯定殺得激烈。 其實兩隊踢法大同小異,同樣以爛打見稱,當中亦粗中帶幼。如果講到球員平均質素與經驗,昆士柏流浪有賓拿約安、卡蘭積卡、奧奴夏及奇雲杜尼等身經百戰球星,明顯稍勝一籌,只係作客輸蝕小小。初盤韋根要讓平手/半球,必揀受讓嘅昆士柏流浪可以上“韋”。 推介:昆士柏流浪1:0 |