藍軍反“日”大行動

藍軍反“日”大行動

周中歐冠盃繼續戰火蔓延，其中車路士誓在史丹福橋球場展開絕地反擊，迎戰巴黎聖日門，只要淨勝兩球就可殺入四強，牙擦教頭“老摩”定必放棄保守踢法，排出最強攻擊線，望盡快收復失地，以主場強勁走勢，“車仔”贏波唔難。

聖日門在首回合排出三箭頭攻堅，終可如願以償取得領先優勢；不過，今仗作客兼有兩球在手，必會以守為攻，預料防線將受到唔少考驗，初盤車路士讓半球/一球，捧藍軍至少執半個盤應該問題不大。

車路士上場聯賽半力出擊，仍以三球殺退史篤城，近六仗主場全勝，攻入十九球兼零失球，主場霸氣十足，唯一擔心都係鋒力問題，伊圖因傷缺陣，托里斯對史篤城一戰繼續毫無表現，嚴重缺態，幸好三大後上殺手，夏薩特、奧斯卡及林柏特仍具一定殺傷力，足以破“門”在望。

聖日門首回合能夠贏波，唔多唔少都係靠運氣及主場之利，皆因形勢上並非佔得太多着數；講戰力，始終車仔較平均，況且聖日門今仗有兩大主力缺陣，包括食糊人物伊巴謙莫域與中場策劃者華拉迪，對球隊有極大影響。

推介：車路士2：0