西維爾“圖”出火龍

西維爾“圖”出火龍

明日凌晨輪到歐霸盃八強首回合，揀咗場葡超班霸波爾圖對西甲實力派嘅西維爾畀大家。

波爾圖今季在國內聯賽大甩鬚，被兩支死對頭賓菲加與士砵亭超前，只能屈居做“小三”，衛冕冠軍已無望，只剩葡萄牙盃及歐霸盃可爭，但八強對住西維爾呢關並非易過。

西維爾今季明顯有回勇跡象，在聯賽更有機會爭上前四，證明具一定實力，之前亦有殺敗皇馬佳作，如果波爾圖今晚輕視對手的話，隨時咎由自取。初盤波爾圖讓半球，睇好西維爾經得起“波”濤。

波爾圖今季在聯賽的確踢得比較差，唯一可取在自己嘅火龍球場仍可以交出水準，十二戰取得十勝一和一負，攻入廿七球只失四球佳績。基本上今仗應該站於不敗之地，問題只係能否取得領先首回合優勢，食粥食飯就要睇葡超首席射手馬天尼斯。

有睇西維爾點樣殺敗皇馬場波，所踢嘅穩守反擊戰術相當到肉，射手巴卡質素唔差，兼把握力不俗，係波爾圖防線心腹大患。至於上場收起多名主力而不敵切爾達，西維爾擺到明今晚有備而戰。

推介：和波1:1