皇馬贏“特”車仔破“門”

皇馬贏“特”車仔破“門”

早兩日講球證單嘢出街後，收到好多回應，當中更有唔少經典句語，確要同大家一起分享。不過呢兩日要寫歐戰，等空檔時間一定“原版”畀大家欣賞。

歐冠八強首回合今晚繼續有兩場激鬥，先講皇家馬德里對多蒙特，皇馬上季就係畀“蜂”針出局，今季又再碰頭，所謂仇人見面分外眼紅。今仗先踢主場，誓必屠宰對手。況且前兩場聯賽共失六分，爭標機會轉微，歐冠盃成為最大目標。上場大發神威，狂數華歴簡奴五蛋，士氣絕對不成問題，只要一眾球星發揮應有水準，皇馬勝利在望。

多蒙特今季戰績有所回落，氣勢明顯不及上季，今晚到訪貝拿堡球場，睇怕難逃一劫。初盤皇馬硬讓球半，捧皇馬可以贏盤。

另一場由巴黎聖日門對車路士，巴黎聖日門在法甲一枝獨秀，聯賽攞硬冠軍，當然希望在歐冠更進一步。不過歐冠對手層次唔同，尤其對住老摩所帶嘅車仔，絕對唔易應付。唔好以為啱啱輸畀水晶宮嘅車仔冇料到，始終詭計多端嘅老摩對踢歐冠及強隊都有一套，至少今仗會保住不敗。初盤巴黎聖日門讓半球，推介車仔逃出大“門”。

推介：皇家馬德里3:0；

巴黎聖日門和1:1