黑貓上盤雄材韋略 英超周一晚上演護級大戰,已經6場冇贏過嘅新特蘭將主場迎戰韋斯咸。表面上「黑貓」毫無優勢可言,但事實係普耶領軍下球隊甚有鬥志,上場作客紅軍都只僅敗,相對韋斯咸將近上岸略為心散,今場主隊讓平半,上盤必為此獨腳戲首選。(周一9,now621台周二3:00am直播) 韋斯咸領隊艾拿戴斯當選2月份最佳領隊,當中5場聯賽攞到4勝1和,須知呢名教頭向來都好「知足」,向上望更非佢所長,果然攞到一定積分後球隊又連輸3場,上場返到主場對中游份子侯城,趁對手打少一人又執多3分,依家已有34分喺手,如果如大Sam所言有37分就夠上岸嘅話,餘下賽程都相當輕鬆。 新特蘭上季雙殺對手 韋斯咸喺2011年球季曾降班,但就算數到2010年,新特蘭喺對上5次聯賽對碰都未輸過俾韋斯咸,主場更連續兩次擊敗對手,頗有格食格味道,結合以上數據,呢場新特蘭主場讓平半可能嫌讓得少添! |