紅軍食大“刺”

紅軍食大“刺”

一係唔發火，發火就非同小可，正如“紅軍”利物浦一樣，今季全面大爆發，重現當年英超“Big4”勁旅本色，踢到英超最後直路衝刺，依然守住爭標有利位置，與兩大“藍營”一撐到底，今晚繼續向目標進發，主場迎戰雷聲大雨點小，只係“得把聲”嘅熱刺，料可將對手殺過片甲不留。

由頭到尾都話要爭個“阿四”嚟做嘅熱刺，始終無能為力，雖然目前仍有一絲奢望，但球隊處於“三冇”時期：冇態、冇勢兼冇殺着，要衝入前四睇怕都幾難，特別今仗要去到晏菲路，要全身而退唔係容易，初盤利物浦讓一球／球半，首循環紅軍作客五球斬到熱刺一頸血，今晚返到自己地頭收個五七折，贏兩、三球一樣有數圍。

紅軍今季勝在火力驚人，卅一場聯賽攻入八十四球，“2S”不單共攻入四十八球，更在射手榜居頭兩位，單係S兄弟足以令熱刺防線疲於奔命。

熱刺今季踢作客反而叻過主場，惜從未贏過前列球隊，最叻只係擊敗“墮落”嘅曼聯，近五戰只得一勝一和三負，上仗反勝修咸頓只係大話夾好彩，如此戰意與狀態，點挑戰紅軍。

推介：利物浦4:1