藍戰士有力破廠

藍戰士有力破廠

今個星期英超重頭戲由兩支倫敦豪門對撼，車路士火併兵工廠。今戰直接影響今季誰是王者之位，車仔如能擊敗對手，爭標之路又近一步；兵工廠全失三分的話，基本上可以宣佈“玩完”。和波當然兩敗俱傷，唔係你死就係我返唔到屋企，激鬥在所難免。

車仔上場聯賽痛失三分，令爭標形勢更加緊湊，要保住一哥位置，今仗不能一失再失。幸好周中歐冠贏出精彩一仗，士氣並未受到太大影響。球隊主場戰績彪炳，聯賽十三勝兩和不敗，得失球卅三比九，無論進攻與防守都相當平均，簡直係信心保證。此外，車仔近四次對阿仙奴取得三勝一和，首循環對陣，車仔在進攻上亦明顯佔得優勢，今仗確實值得睇高。

阿仙奴心理上較為輸蝕，因為冇得再輸。惜球隊近況只屬一般，特别近五場作客，一勝兩和兩負，銳利不足。講到人腳，車仔只有托里斯係主力中嘅傷兵，相反兵工廠有華確特、韋舒亞及艾朗藍斯等，中前場出現“缺貨”，形成車仔勝算更高。初盤車路士讓半球，捧藍戰士可搶“槍”。

推介：車路士2:0