奧林比亞抗病“魔”
今季唯一希望就係歐冠盃,不過首回合已經落後兩球,今晚再戰奧林比亞高斯要翻盤,的確相當困難,無論如何都要一場勝仗沖喜。 奧林比亞高斯揸住兩球在手,今晚作客必定駐重兵防守,實行穩守到底,曼聯要反勝三球談何容易。初盤曼聯硬讓一球,病到如此嚴重,實在對紅魔失去信心,不妨博奧林比亞高斯可以抗魔成功。 曼聯班“魔星”似乎踢到失晒自信,根本發揮唔到應有水準,連全英最高人工嘅朗尼亦踢到一無是處。更令“魔粉”擔心係一條“哎吔”防線,對住利物浦輸三球真係算小,幾乎乜嘢茅招都出齊,係招致敗績最大原因,真係難以形容呢條不知所謂防線。至於一向威力十足嘅鋒線又死晒火,對住紅軍竟然只得一次中目標,難道紅魔氣數已盡? 奧林比亞高斯陣中冇乜邊個較具名氣,只有一個前阿仙奴小子祖爾甘保,都係上仗打完曼聯之後才一夜成名。可能今仗又再成為驅“魔”人。 推介:和波1:1 |