紅魔得“利”槍手拔“刺”
玩球网 2014-03-16 00:00:00
紅魔得“利”槍手拔“刺”
先講“雙紅會”，自有英超以來，曼聯今季係最失敗一季，甚至踢唔踢到下季歐冠都成問題，莫耶斯當然要“孭鑊”。但點都好，餘下賽事必要發奮圖強，尤其對住“寃家”球隊，更加唔衰得。所以今仗迎戰紅軍，勢必全力狙擊對手。紅軍上仗作客三球大斬修咸頓取得兩連勝，勢頭依然強勁，只不過，近年去到奧脫福相當不利，近六次全部敗北，今晚要打破困局實在不易。初盤曼聯讓平手／半球，可以考慮紅魔再剋對手。 熱刺要爭上前四，今晚對阿仙奴成為關鍵一戰，只可惜球隊確有種有心無力感覺。何況先後大敗在車路士與賓菲加腳下，兩場波共失七球，防線完全失去信心，好明顯舒活對排陣調兵已經方寸大亂，令球隊失去殺傷力。歐冠盃玩完，雲總要將集中力放返落聯賽，至少要保住三甲之位。聯賽首循環與足總盃都能殺退熱刺，即使今仗作客白鹿徑，仍然睇好兵工廠可三殺對手。推介：曼聯2:1 阿仙奴1:0 |