史浩克贏波“格”
玩球网 2014-03-14 00:00:00
史浩克贏波“格”
英超一向自稱為世界上最高水平的聯賽，可惜近年在歐戰並未有任何突破，英格蘭足總確要檢討。但又講真一句，踢咁高水平嘅歐冠，球隊除要講求實力外，亦要講命數。阿仙奴與曼城真係唔好彩，十六強撞到拜仁及巴塞，仲先喺自己地頭輸兩粒，基本上已打定輸數。不過，睇完兩隊在次回合的頑強拼勁，英超球會又並非絕冇機會。老摩，英超希望靠晒你！ 今晚有場德甲由奧格斯堡對史浩克，以一支“蚊型班”球會嚟講，奧格斯堡目前能排在徳甲第六位，已係球會有史以來的最佳成績；仲有機會爭前四踢下季歐冠，成功的話，呢班波都算超乎想像。始終球隊整體戰力屬於有限公司，祇係靠拼勁及鬥心，與史浩克相比仍差半班。 史浩克與利華古遜及多蒙特爭做“阿二”爭得相當激烈，每一場每一分都極為重要。由於對賽往績佔得壓倒性優勢，首循環又曾經四比一大勝奧格斯堡，今仗坐和望贏。初盤平手，當然揀史浩克贏波“格”。 推介：史浩克○四2:0 |