兵工廠“愛”唔過

兵工廠“愛”唔過

今晚除咗有英超之外，英格蘭足總盃亦有場八強上演，阿仙奴火併愛華頓，又係一場紅藍對決。

聯賽守住前三嘅阿仙奴要爭標形勢依然困難重重，歐冠盃作客拜仁要淨勝三球先有得傾，晉級機會實在太渺茫。“雲總”當然又唔想再空手一年。再睇返七強對手中，曼城就係最大捧盃勁敵，呢個足總盃可能係今季唯一希望。不過，愛華頓亦非善男信女，要過呢關難度很大。

愛華頓同樣對盃賽極之渴望，必會有咁強人腳出咁強。雙方在聯賽首循環激戰互有攻守，主場嘅兵工廠根本毫無優勢可言，今晚再戰對手又何來必勝把握？初盤阿仙奴讓半球／一球，捧受讓嘅愛華頓有“仙”機。

阿仙奴上場聯賽一球不敵史篤城，球隊穩定性的確令“槍迷”擔心。尤其中場主力韋舒亞因傷要休息六個星期，華確特繼續養傷，奧斯爾與基奧特狀態回落，阿仙奴爭標能力大大削弱，又點讓得起硬淨派嘅愛華頓。

“野獸仔”盧卡古上場聯賽復出即一箭定江山，為愛華頓全取三分，今仗絕對係兵工廠防線的心腹大患。唯一不利係近三場作客全輸，但今戰一場過，誓必與兵工廠決一生死。推介：和波1:1