英超榜尾七國咁亂

英超榜尾七國咁亂

英超護級形勢仲緊湊過爭標四強，基本排第十以下球隊仍未安枕，當然，最“老危”係兩支包尾嘅卡迪夫城與富咸，真係要分分必爭。

富咸目前只得廿一分，與尾四嘅西布朗相差四分，雖然話多唔多，但踢多一場，其實要追都幾辛苦。如果富咸真係不幸要降班，感覺上實在太可惜，呢支倫敦球會一向在英超都係實力派分子，今季人腳亦唔差，但足球比賽真係好難講，乜嘢情況、戰果都會發生。球隊能否逃出生天，下場對卡迪夫城榜尾大戰最為關鍵，因為輸波的話，唔單止再失三分，士氣肯定會大受打擊，食粥食飯就要睇呢場。

排尾三嘅新特蘭同樣危在旦夕，與富咸一樣，“黑貓”唔應該去到如此地步，希望失落聯賽盃後，唔會影響球隊戰意，最終能夠逃出險境。數多兩隊最有危機感就係西布朗與水晶宮，餘下賽事都要步步為營。

睇返餘下賽程及對戰形勢，呢五隊肯定有兩隊會難逃一劫，問題在於各隊“互撼”情況如何，到底邊三隊難逃降班厄運的確好難講？但願祝福富咸與新特蘭，希望可以大步檻過。