畢爾包三分必“達”

畢爾包三分必“達”

睇完歐冠十六强首回合後，英超迷肯定大失所望，除“老摩”嘅“座駕”倖免一敗外，曼市雙雄與兵工廠全“罹難”。

足球比賽唔係贏就係輸，最慘就係“魔頭”莫耶斯，輸波後再變成“炮灰”，無論國內傳媒、昔日名將及“魔粉”均齊齊炮轟“莫生”，又一次成為“攞聊”之星，唉！你唔煩我都厭，“莫生”今年帶到班波“鬼五馬六亦唔係第一次，唔通要講到口臭先收聲？咁搞法“莫生”遲早得兩條路行，一係切腹、二係吞槍，但點都好，“莫生”搵餐飯食啫，希望佢可吉人天相，捱過呢個風頭火勢時期，亦希望英超球隊在次回合可大變天，不至全軍覆沒。

西甲“阿四”畢爾包為鞏固下季歐冠參賽席位，餘下賽事最緊要穩打穩紮平穩過渡，尤其對中下游球隊，一分亦不能有失，今晚對住格蘭納達，如無意外“依絲執”，因球隊主場真係冇得頂，十三戰九勝三和一負，強如巴塞與皇馬到訪聖馬米斯球場都要失分，區區一支格蘭納達根本不足為患。

排第十三位嘅格蘭納達與降班線有五分之差，依然要求分護級，但作客搶分比較艱難，初盤畢爾包讓一球/球半，捧主隊“包”掂。

推介：畢爾包2：0