熱刺必殺“迪”
烏克蘭當地目前亂過亂世佳人,連總統“奇哥”亦不知所終,但點亂都好,波照踢。迪尼普屬烏甲勁旅之一,呢兩季亦可闖入歐霸盃十六強,今季能否更上一層樓入到八強,就要睇今晚一戰。但只得一球在手,機會只得五十五十,因為熱刺攻力極具殺傷性,追一球唔難。初盤熱刺讓一球,一於捧熱刺贏波贏盤。 熱刺上仗對迪尼普收起唔少主力,包括殺手艾迪拜約、迪林比、艾歴臣及艾朗連儂等,但依然可與對手拉成均勢。今晚為要收復失地,必會強陣出擊,預料將會壓倒性取得較大優勢。 迪尼普由多名國腳級球員,再加馬菲奧斯與古利安奴兩名巴西外援支撐大局,踢法講求技術性。但撞啱熱刺快速踢法,睇怕仍會處於下風。 推介:熱刺2:0 |