車仔皇馬可報捷

車仔皇馬可報捷

今晚兩場歐冠有個怪現象，就係開盤問題。先講車路士作客加拉塔沙雷，加拉塔沙雷主場有名叫地獄球場，唔少歐洲豪門球隊曾經喪師在此地，證明呢支土耳其班霸除咗有一定實力外，主場威力亦唔簡單。

車仔方面，上場聯賽險勝愛華頓確實贏得驚濤駭浪，近兩仗作客只能摸和實力一般嘅西布朗及敗於曼城腳下，論近況認真麻麻。但初盤開出車路士硬讓半球，相對於昨日曼聯作客讓平手／半球，似乎唔啱數。唔通“外圍”真係睇得車仔咁高？

另一場史浩克○四對皇家馬德里，初盤一開皇馬要贏兩球先有純利。雖然皇馬實力無疑高對手一班，但史浩克話晒都係德甲前四分子，近期狀態亦唔差，近五戰四勝一和，加上又有主場之利，點都可以與皇馬頂得兩嘴。

當然，皇馬近期氣勢的確相當強勁，已經唔知幾多場未輸過，近五戰全勝，攻入十五球只失兩球，攻守兼備，仲啱啱坐埋西甲“一哥”位，球隊士氣十足，難怪開盤皇馬就要讓一球／球半。老實講句，既然“大莊”開得出又點會死錯人，兩隊確實有足夠贏波本錢，不妨考慮起孖。

推介：車路士1:0；