天鵝經得起“坡”濤

天鵝經得起“坡”濤

睇完歐冠今晚接住睇歐霸，都係揀場英超球隊推介畀大家，由史雲斯對拿坡里。

如果計球員平均級數與知名度，史雲斯可能稍為輸蝕，但論個人技術質素，“天鵝軍”又未必輸得晒。根據英超比賽統計，史雲斯原來係控球能力最強三隊之一，證明球員腳下功夫，默契及互動性相當強；不過直接埋門組織，以及把握最後一腳始終未如理想。領隊勞特立“下崗”，由隊長蒙克暫時頂上，踢法上並無太大改變。之前傳出球隊內訌，但蒙克帶隊後，前兩場取得一勝一和，只係上仗足總盃作客不敵愛華頓，似乎並非有太大問題出現。聯賽方面，暫時排第十位，雖然與降班線球隊只有幾分之差，但護級壓力唔大，可以全心全力專攻歐霸盃。

既然穩守意甲前三位，又只因在歐冠分組賽出局，從而降格打歐霸，拿坡里當然絕非等閒之輩，應該都夠晒班數去爭盃。球隊近三戰全勝，開始有回勇跡象，唯一可惜係拿坡里作客經常走樣，近四場只得一勝一和兩負，只擊敗意甲弱旅莎索羅，作客真係靠唔住。初盤平手，不妨考慮主隊史雲斯可以贏“坡”。

推介：史雲斯1:0