拜仁搶“仙”機

拜仁搶“仙”機

上季歐冠盃十六強，阿仙奴慘被拜仁慕尼黑淘汰出局。無獨有偶，今季兩隊又在十六強相遇，又係阿仙奴先踢主場，當然唔想歴史重演再輸一比三。不過，拜仁整體戰力比去季更加強橫，兵工廠今仗確實舉步難行。

拜仁在國內聯賽一枝獨秀，衛冕德甲只係時間問題，球隊必會將精力集中於歐冠。今晚再到酋長球場，拜仁依然信心十足，即使初盤要讓半球／一球，仍可睇好拜仁慕尼黑再度爆“廠”。

阿仙奴在周日足總盃成功復仇踢走利物浦，的確可以加強今仗士氣，但對紅軍踢得好唔好真係見仁見智。無論進攻抑或防守識别，基本上唔算清晰，可能“雲總”收起韋舒亞、沙格拿、卡索拉及基奧特等主力有關。“槍手”防線一向都係最大弊病，對住拜仁水銀瀉地踢法，實在隱憂重重。

拜仁同樣上場聯賽收起洛賓、泰亞高、葛斯及保定等大半隊主力，可見哥帥對今戰志在必得。副選都大殺費雷堡四球，證明一班後備軍都唔簡單。至於狀態方面，歇冬後六戰全勝，攻入二十球只失一球。如此強勢，恐怕兵工廠好難頂得住。

推介：拜仁2:0