兵工廠“浦”唔起

兵工廠“浦”唔起

阿仙奴上次去到晏菲路慘遭恥辱，大敗一比五，唔單只雲總，相信一眾“槍手”對呢啖氣都啃唔落。今晚足總盃返到自己酋長球場，此仇非報不可。不過，話報就報，你當利物浦係“二打六”？

今季紅軍唔單只神勇，而且運仔好到不得了，上場補時絕殺富咸，證明足球比賽除咗講實力，講狀態及臨場發揮外，運數亦係重要一環。

阿仙奴主場無疑可以打高一皮波，只不過今季對住列強，的確佔唔到任何着數，上場對曼聯射門多過對手一倍，但始終食白果，反映出各大豪門之中，兵工廠埋門一腳始終差些少。計前鋒級數，如果好得過曼市雙雄、車仔、熱剌，甚至係紅軍嘅“蘇七”與史杜歷治，小弟乜都得。

由於兩隊踢法大同小異，同樣以體力緊迫打法為主，呢方面紅軍確實較為佔優，打衝撞波，阿仙奴有邊個硬淨得過謝拉特及盧卡斯？只要利物浦繼續上場大勝打法，阿仙奴一樣冇運行。初盤阿仙奴讓平手／半球，捧紅軍可以再升“仙”。

推介：利物浦2:1